Kaupanger og Amlabukti – ein fruktbar tettstad også i framtida

Landskapet rundt Amlabukti er sårbart for større inngrep. Kaupanger Hovedgård, Kaupanger stavkyrkje, småhusbusetnaden og gardsbusetjinga i Amla (Amble gård og Nedre Amla) karakteriserer det samla kulturlandskapet rundt Amlabukti. Dersom t.d. småhusbusetnaden skal fortettast må det følgje retningslinene i Stadanalysen for Kaupanger og Amlabukti. Større inngrep som nedbygging av landbruksjord må ein òg unngå. Dette er i tråd med punkt 1.h. Gjere kulturarven og kulturmiljøa til ein levande del av tettstaden. Meld. St. 16 (2019–2020) Nye mål i kulturmiljøpolitikken - Engasjement, bærekraft og mangfold legger òg opp til at kommunane skal ta større ansvar for kulturminna i kommunane.
Vi ber difor om at det i arealplanen vert lag opp til:
• å unngå storstilt nedbygging av landbruksareal rundt Amlabukti
• å vurdere om forslag til buffersone i forvaltingsplanen for Kaupanger Hovedgård og Kaupanger stavkyrkje kan vere eit godt verktøy for å skape medvit om konsekvensar av inngrep, og styre den framtidige utviklinga i landskapet rundt Amlabukti
• å utarbeide ny felles kulturminneplan, med føresegner, som del av den nye arealplanen for å samle kunnskap om kulturmiljøverdiane rundt Amlabukti og kommunen elles
• å framheve dei kulturhistoriske verdiane gjennom ein skiltplan for nedre del av Kaupanger, der ein nyttar omgrepet «Historiske Kaupanger» (dette er òg i tråd med forslag i Moglegheitsstudien for Kaupanger)