Arbeidet med arealplanen starta i juni 2021. Då laga me eit planprogram som fortalde korleis planprosessen skulle vere. Det vart vedteke av kommunestyret 16. september. Planprogrammet ligg under fana "prosessen".

Som fagleg grunnlag for arealplanarbeidet bestilte me fire moglegheitsstudiar for Leikanger, Sogndal, Kaupanger og Hodlekve. Du finn moglegheitsstudiane i ei eiga fane i menyen over. Det er sett i gang tilsvarande prosessar for Balestrand og Fjærland, desse studiane vert publiserte på eit seinare tidspunkt.

Medverknadsfasen er i perioden 15. november - 16. januar. Me kombinerer digital medverknad med fysiske arrangement.

Planavdelinga utarbeider framlegg til arealstrategi og temaplan for naturmangfald. Arealstrategien viser den overordna byggjestrukturen i kommunen, medan temaplanen viser viktige blågrøne strukturar i tettstadene. Strategien og temaplanen vert handsama i plan- og forvaltningsutvalet 16. mars og formannskapet 17. mars.

Adminstrasjonen vurderer innspela frå medverknadsfasen og arealbruken i dei tre gjeldande arealplanane, og utarbeider ei bustadanalyse. Bustadanalysen gjer greie for potenisalet for bustadutvikling i kommunen ut frå folketalsutvikling og bustadbehov, samfunnstrendar og Sogndal kommune sine eigne målsettingar for bustad- og tettstadutvikling. Administrasjonen gjer deretter ei vurdering av arealbruken opp mot samfunnsplanen, arealstrategien, temaplanen for naturmangfald og bustadanalysen.

Framlegget vert handsama del for del i PFU og formannskapet i fleire rundar frå april til oktober. Kommunestyret får orientering om kvar runde.

April og mai: Balestrand

Juni: Leikanger

September: Kaupanger, Sogndalsdalen og Fjærland

Oktober: Sogndal og omegn

Planavdelinga utarbeider eit fullstendig planforslag med plankart, føresegner, planomtale, konsekvensutgreiing og risiko- og sårbarheitsanalyse.

Planforslaget vert handsama politisk og lagt ut til offentleg ettersyn.

Planforslaget vert lagt ut til offentleg ettersyn av kommunestyret. Det betyr at alle innbyggjarar, høyringsinstansar og andre kan seie det dei meiner om planen.

Innspela vert vurderte av planavdelinga og handsama politisk. Planavdelinga utarbeider deretter eit ferdig planforslag. Kommunestyret vedtek planen.