Fleire trygge kryssingspunkt av Rv 5 på Kaupangerskogen og i Kaupanger (Forslagstillar: FAU ved Kaupanger skule)

Rv 5 er svært dårleg tilrettelagd for barn og unge sin ferdsel i Kaupanger. Vegen bør få minimum tre trygge kryssingar til på strekninga Skogly til Vesterland. A) Sentrumskryssing ved dei nye busstoppa; B) Kryssing ved idrettspark og austenden av travbana; C) Kryssing ved Vestreimsskrysset og avkøyrsla til skytebana, og to minst trygge kryssingspunkt til nede i Kaupanger ved D) Kaupanger stavkyrkje/Båthavn/Bjørkanausti badeplass; og E) på Kaupanger Ferjekai (gangfelt + fartsreduserande tiltak).

Vedlagte skisse viser forslag for alle kryssingspunkt samt forslaga med rundkøyringar+ 50-sone i sentrum og droppsone ved Skogly (sjå eigne forslag på nettløysinga).

Tiltaka er alt frå ganske enkle til å gjennomføre til noko meir krevjande. Dei krev at vegmyndigheitene prioriterar mjuke trafikantar høgare i Kaupanger skulekrets. Kommune kan vera pådrivar for å få til dette og vi håpar våre idear kan få i gang gode prosessar og gode tiltak for Kaupanger sitt beste.