Sogndal - Nytt bustadfelt - Bjelde Gard

På vegne av grunneigar ynskjer Sognehus as å fremja ynskje om nytt bustadfelt på Bjelde Gard og kringliggjande eigedomar.

Bjelde Gard ligg i utkanten av Sogndal sentrum, opp mot Sogndalsdalen med flott utsyn over heile bygda.
I snart 35 år har grunneigar servert området på sølvfat, og stilt det til disposisjon for utvikling av bustader.
Det er eit skrikande behov for nye bustader i Sogndal, og då snakkar me ikkje om leilegheiter i sentrum.

Det er kjent i det vide land at Sogndal har eit prisnivå på bustader som er på nivå med Oslo og Bergen.
Det blir selt leilegheiter i Sogndal til ein kvm-pris på over 80 000,-
Det er meir enn det doble av kva det kostar pr kvm på ein ny einebustad.

Vi har stor tilgang på potensielle tilflyttarar og ny-etablerarar, men vi er heilt blotta for tilgang på tomter til einebustader og førstegangsetableringsbustader.
Sogndal kommune har vedteke høg fortetting i sentrum, men har ikkje planar om å legge til rette for billegare einebustader rett utanfor.

Dette vil vi gjere noko med, og difor spelar vi no inn Bjelde Gard med kringliggjande areal som eit nytt bustadfelt i Sogndal.