Vern av matjord og grøntområde

Eg er grunneigar og fruktdyrkar på Nes i Sogndal.
Mitt innspel er at dette området må vernast som jordbruksareal så lenge som råd.
Matjord er den viktigaste ressursen vi har, og spesielt er det viktig å verna den beste jorda i område med dei beste klimatiske forholda for matproduksjon.
Det er vidare viktig å ha grøntareal, som samtidig kan vera "reserveareal" for framtidige viktige formål som ein i dag ikkje ser.
Det er elles viktig å leggja vekt på at Nes er det mest synlege området i Sogndal sentrum frå alle innfartsårar med unntak av innkøyring frå nord (Fjærlandsvegen).