Naust for tradisjonsbåtar

Fylkesmannsstrondi på Leikanger er eit stort og flott friområde, der ein godt kunne legge til rette for meir aktivitet.

Der står det eit stort gamalt naust som kajakklubben disponerer.

Mitt forslag er å legge til rette for at der kunne byggjast fleire naust for mindre trebåtar/færingar o.l. Slike båtar skal helst dragast på land etter bruk, og ikkje ligge i sjøen heile sesongen som i båthamna.

Det kan vere ei utfordring å få dette til utan at plassen rundt nausta får eit privat preg. Det er viktig at området ikkje blir privat. Nausta kunne realiserast gjennom til dømes eit lag under Forbundet Kysten. Eller kanskje jakt og fiskelaget kunne tenkje seg å få til eit miljø rundt fritidsfiske. Naustkulturen er eit satsingsområde nasjonalt, og det er mogleg å søke midlar til eit slikt prosjekt. Nausta kunne leigast ut på same måten som ein leiger ut båtplassar i småbåthamna.

Det viktige i denne omgang er å opne for naustbygging i området ved det store naustet på Fylkesmannsstrondi.