Fjærland: Trygg kryssing av RV5

Riksveg 5 i Fjærland har 70-grense og inga tilrettelegging for mjuke trafikantar i eit område der både skuleborn, busspassasjerar, syklande og gåande ferdast. Mjuke trafikantar er nøydde til å kryssa riksvegen ved krysset til Fjærlandsfjorden og busstoppet. I dag er situasjonen for desse heilt uhaldbar. Statens vegvesen ser ikkje ut til å ha forstått at gåande og syklande faktisk er tvungne til å kryssa riksvegen på denne staden.

Me gjer framlegg om omfattande trafikktryggingstiltak i krysset. Det finst fleire aktuelle løysingar, der den beste truleg er sterkt nedsett fartsgrense og bygging av rundkøyring med tilhøyrande gangfelt.