Arealplan for Sogndal kommune 2022-2032

Arealplanen, eller arealdelen av kommuneplanen som den også vert kalla, skal bestemme kva som kan byggjast kvar i heile Sogndal kommune. Den skal mellom anna gje svar på kvar nye bustader skal liggje, kvar me skal ha næringsaktivitet, korleis me kan ta vare på naturområda våre og korleis fleire kan ha moglegheit til å gå og sykle til barnehage, skule, arbeid og fritidsaktivitetar.

Etter medverknadsfasen skal innspela frå innbyggjarane oppsummerast og vurderast av planavdelinga. Så skal den politiske leiinga gje meininga si om utkastet planavdelinga leverer frå seg. Våren 2023 vert planen lagt ut til offentleg ettersyn, der alle som ønskjer det kan seie kva dei meiner om planen, før endeleg vedtak av planen i februar 2023. Øverst til høgre på denne sida ligg ei oversikt over alle fasane i planprosessen.