Storleik på parkeringsanlegg ved Kvåle

Det framgår av saksframlegget til Sogndal kommune at det skal etablerast felles parkering for heile Campus ved Ingafossen for å auke tryggleik på skulevegen opp Trolladalen. Det er også ynskje om dialog med Vestland fylkeskommune om bussparkering og haldeplass underbakken, ved Ingafossen. I tillegg er det planar for utvikling av Campus, inkludert parkeringsplassar for dette.

Kunnskapsgrunnlaget mitt i høve vurderingane i dette dokumentet er at eg er vegplanleggar med 25 års erfaring frå Statens vegvesen og 10 år i private rådgivingsfirma.

Dette innspelet i er i høve kor arealkrevjande det er å etablere eit parkeringshus ved Ingafossen slik saksframlegget viser. Det er ikkje sett på areal for tilkomst eller for gode løysingar for busstopp/skulebussar. Dette kjem i tillegg til arealbehovet vist i dette dokumentet.

Eg har ikkje gjort tilsvarande drøfting ved Trudvang fordi det ikkje er lagt til grunn i utgreiingane eller i arealplan til Sogndal kommune at det er naudsynt å etablere eit tilsvarande anlegg ved Trudvang.

Samla er det realistisk at parkeringhus ved Ingafossen må vere i 3 etasjar på ca. 6000 m2. Dette er grunngitt i drøftingane nedanfor:
- ein etasje for å flytte eksisterande 170 parkeringsplassar frå nordsida av Campus
- ein etasje for framtidig utvikling av Campus (170 plassar?)
- ein 1 etasje for bussar og bussløysingar knytt til skulen.

Sjå vedlegg med skisser og drøftingar av problemstillingane