Ny barneskule i Sogndal

Eg lurer på kvifor det ikkje er vurdert ei løysing med 1-4 klasse i Trudvang, og eit bygg for mellomtrinnet 5.-7 klasse som nybygg på Kvåle. Dette er ei naturleg deling mange stader i landet. Dersom det skal byggjast ny barnehage i sentrum, ville det vere plass til denne på Trudvang i tillegg til småskulen. Ein ville og kunne nytte dei eksisterande bygningane på Trudvang, noko som er viktig, ikkje minst i eit miljøperspektiv. På den andre sida vert arealbehovet på Kvåle mindre. Desse klassetrinna vil få ein betre tilgang til fasilitetane på Kvåle, som sømjehall og idtrettsarenaer. Trafikksituasjonen i Trolladalen er alt i dag meir enn sprengt morgon og ettermiddag, så ein tilkomst via Ingafossen bør bli oppgradert så raskt som muleg. Dette vil gjere skulevegen betre og meir sikker for alle.